شاہد سپرا : لیسکو نے یوم عاشور کے مرکزی جلوس کے روٹ پر بلا تعطل بجلی فراہمی کے انتظامات مکمل کر لئے۔
مرکزی جلوس کے روٹ پر چار گرڈ سٹیشن سے بجلی فراہم کی جائیگی جس کیلئے لیسکو نے چاروں گرڈ سٹیشنز کو لوڈشیڈنگ سے مستثنی قرار دیدیا ہے، شیڈول کے مطابق لیسکو کے بھاٹی گیٹ، فورٹ روڈ، آؤٹ فال روڈ سگیاں اور ریواز گارڈن گرڈ سٹیشن سے بجلی دی جائیگی، دوسری جانب مرکزی جلوس کے روٹ پر کربلا گامے شاہ ٹرالی ٹرانسفارمر نصب کر دیا گیا ہے.
چیف انجینئر آپریشنز عباس علی نے بتایا کہ یوم عاشور کے جلوس پر تین شفٹوں میں ملازمین فرائض انجام دیں گے، جلوس کے فرنٹ اور بیک سائیڈ پر لائن سٹاف فرائض انجام دے گا، لیسکو چیف شاہد حیدر کی ہدایت پر خصوصی ٹیمیں تشکیل دیدی گئی ہیں۔