ویب ڈیسک : ٹی20ورلڈکپ کی تیاریوں کے سلسلے میں پاکستان نے نیوزی لینڈ کو اہم پیشکش کردی۔

نیوزی لینڈ نے رواں سال ستمبر اکتوبر میں پاکستان کا دورہ کرنا ہے، دورے میں کیوی ٹیم نے تین میچز پر مشتمل ون ڈے سیریز اور ٹی 20 سیریز کھیلنی ہے۔ پاکستان سے دورے کے فوری بعد ٹی20ورلڈکپ کا آغاز ہوگا، اسی بنا پر پاکستان نے نیوزی لینڈ کو تین ٹی20 کے بجائے پانچ ٹی20کھیلنے کی پیشکش کی ہے۔

ذرائع کا کہنا ہے کہ دو اضافی ٹی ٹوئنٹی میچز کے لئے نیوزی لینڈ بورڈ اور پی سی بی کے درمیان بات چیت جاری ہے، آئندہ چند روز کے دوران نیوزی لینڈ کرکٹ بورڈ کی جانب سے باضابطہ آگاہ کردیا جائے گا۔ یاد رہے کہ رواں سال سترہ اکتوبر سے چودہ نومبر تک ابوظبی، دبئی، شارجہ اور مسقط میں کھیلا جائے گا۔