عرفان ملک:انٹیلی جنس بیسڈ آپریشن کے دوران 23 دہشت گردوں کو گرفتار کر لیا گیا۔
ترجمان سی ٹی ڈی کے مطابق کارروائی لاہور ،جہلم ،سیالکوٹ ،راولپنڈی ،گجرات ،سرگودھا ،فیصل آباد میں کی گئی۔
سی ٹی ڈی کے مطابق لاہور سے فتنہ الخوارج کے 7 خطرناک دہشت گردوں کو اسلحہ و باروی مواد سمیت گرفتار کیا گیا۔دہشت گردوں سے لاہور کے اہم تعلیمی ادارے کے نقشے ، آئی ای ڈی بم ،ڈیٹونیٹر ،حفاظتی فیوز تار نقدی برآمدکر لی گئی۔
گرفتار دہشت گردوں میں عبدالرزاق ،محمد اسماعیل ،وجاہت علی ،یوسف رضا ، نسیم اللہ ،نذر اللہ ،ابوبکر ،طارق ،نسیم زمان ،شاہد نواز شامل ہیں۔
حکام کے مطابق دہشت گرد مختلف مقامات پر کارروائی کر کے خوف و ہراس پھیلانا چاہتے تھے ،رواں ہفتے میں 9471 کومبنگ آپریشنز کے دوران1033 مشتبہ افراد کو بھی گرفتار کیا گیا۔کومبنگ آپریشنز کے دوران 21708 افراد سے پوچھ گچھ کی گئی ۔