ویب ڈیسک:پاکستان شوبز اندسٹری کی خوب رو اداکارہ سجل علی کی برطانوی اداکار اور اسکرین رائٹر ایما تھامپسن کے ہمراہ ڈھول کی تھاپ پر رقص کی ویڈیو سوشل میڈیا پر وائرل ہے۔
ورسٹائل اداکارہ سجل علی کی پہلی بین الاقوامی فلم ’واٹس لو گاٹ ٹو ڈو وِد اٹ‘ کی برطانیہ میں ریلیز سے قبل پریمیئر کی تقریب کا اہتمام کیا گیا۔فلم کے پریمیئر میں سجل علی، ہدایت کار شیکھر کپور، پروڈیوسر جمائمہ خان، اداکارہ ایما تھامپسن، لیلی جیمز، اداکار شہزاد لطیف سمیت دیگر کئی فنکاروں نے بھرپور شرکت کی۔
پریمیئر کے موقع پر فلم کی کہانی کی مناسبت سے ڈھول ڈَھمَکے کا اہتمام بھی کیا گیا جس سے فلمی ستارے محظوظ ہوتے رہے تاہم سجل علی اور ایما تھامپسن کی ڈھول کی تھاپ پر رقص اور شور و غل کی ویڈیو سوشل میڈیا پر خوب وائرل ہوئی۔
واضح رہے کہ اس فلم کو 24 فروری 2023 کو برطانیہ کے سنیما گھروں میں پیش کیا جائے گا جبکہ پاکستان میں یہ فلم مارچ کے پہلے ہفتے میں ریلیز کی جائے گی۔فلم ’واٹس لو گاٹ ٹو ڈو وِد اٹ‘ کو دنیا بھر میں ریلیز کرنے سے قبل مختلف فلم فیسٹیولز میں پیش کیا جاچکا ہے۔