(مانیٹرنگ ڈیسک) پاکستان سپر لیگ 7 میں ملتان سلطانز کی ٹیم کی نمائندگی کرنے والے بیٹر صہیب مقصود کے گھر ننھی پری کی آمد ہوئی ہے۔
کرکٹر صہیب مقصود نے بیٹی کی پیدائش کی اطلاع ٹوئٹر پوسٹ کے ذریعے دی جس میں انہوں نے لکھا کہ اللہ نے مجھے بیٹی کی صورت میں رحمت سے نوازا ہے۔انہوں نے بتایا کہ بیٹی کا نام 'انشا صہیب' رکھا گیا ہے جب کہ کرکٹر نے بیٹی کے لیے مداحوں سے دعاؤں کی درخواست بھی کی۔
Allah has blessed with his rehmat (baby girl) Ansha sohaib .. remember her and family in your dua❤️..going back to lahore to join my team @MultanSultans today.. pic.twitter.com/iwNX7Eh2rD
— Sohaib Maqsood (@sohaibcricketer) February 15, 2022
علاوہ ازیں معروف اداکار فیروز خان اور اہلیہ علیزے کے ہاں بیٹی کی پیدائش ہوئی ہے۔اداکار نے اپنے گھر بیٹی کی آمد کی خوشخبری انسٹاگرام اسٹوری کے ذریعے دی، انہوں نے اللہ تعالیٰ کا شکر ادا کرتے ہوئے اعلان کیا کہ ان کے گھر رحمت آئی ہے۔فیروز خان نے ہیش ٹیگ کے ذریعے یہ بھی بتایا کہ انہوں نے اپنی بیٹی کا نام 'فاطمہ خان' رکھا ہے۔