شہر میں آلودگی کی شرح پھر بڑھنے لگی

فاران یامین : شہر میں آلودگی کی شرح پھر بڑھنے لگی،لاہور کا ایئر کوالٹی انڈکس 213 ریکارڈ کیا گیا۔دنیا کے آلودہ ترین شہروں کی فہرست میں لاہور دوسرے نمبر پرآگیا۔
 ایئرکوالٹی انڈیکس پرآلودگی کی شرح کوٹ لکھپت 257، فدا حسین ہاؤس 219، ٹاؤن شپ 211، ماڈل ٹاؤن 202، یو ایس قونصلیٹ 202، اقبال ٹاؤن 198، ایچی سن کالج مال روڈ 197 اور ٹھوکر نیاز بیگ 195 ریکارڈ کی گئی۔

محکمہ موسمیات نے آئندہ24گھنٹوں میں مطلع صاف رہنے کی پیشنگوئی کی ہے، محکمہ موسمیات کے مطابق آئندہ 24گھنٹوں میں بارش کا کوئی امکان نہیں۔ شہر کا کم سے کم درجہ حرارت 9 ڈگری سینٹی گریڈ اور زیادہ سے زیادہ 23 ڈگری سنٹی گریڈ ہوگا، شہر میں 5 کلومیٹر فی گھنٹہ کی رفتار سے ہوا چلے گی، ہوا میں نمی کا تناسب 89 فیصد ہوگا۔ شہر کا موسم سرد اور خشک رہے گا۔