انور عباس : وزیراعظم شہباز شریف نے بیرون ملک دو سفیروں کی تعیناتی کی منظوری دے دی ۔
سفارتی ذرائع کے مطابق تعیناتی کی منظوری وزیرخارجہ اسحاق ڈار کی جانب سے بھیجی گئی سفارش/ سمری کے تناظر میں دی گئی۔ مرغوب سلیم بٹ سوئٹزلینڈ میں پاکستان کے نئے سفیر ہونگے ۔ مرغوب سلیم بٹ اس وقت وزارت خارجہ میں بطور ایڈیشنل سیکرٹری برائے ایس سی او ہیں۔ اس کے علاوہ عامر شوکت کو مصر میں سفیر تعیانات کرنے کی منظوریدی گئی، عامر شوکت اس وقت سوئٹزرلینڈ میں پاکستان کے سفیر کے طور پر فرائض سرانجام دے رہے ہیں ۔
سفارتی ذرائع سے معلوم ہوا ہے کہ وزیراعظم کو گزشتہ ماہ تعیناتی کے لیے سمری ارسال کی گئی تھی، فرانس نے بھی نئی پاکستانی نامزد سفیر کو سفارتی سطح پر منظور کرلیا، فرانس میں نامزد پاکستانی سفیر ممتاز زہرا بلوچ کا ایگریما آ گیا ہے, ممتاز زہرا بلوچ فرانس میں پاکستان کی نئی سفیر ہونگی، ممتاز زہرا بلوچ بطور ترجمان دفترخارجہ فرائض انجام دے رہی ہیں، ممتاز زہرا بلوچ کی تعیناتی کی منظوری وزیراعظم نے اگست میں دی تھی ۔