علی ساہی:پنجاب پولیس ہیلتھ مسائل سے دوچار ملازمین کی بہترین ویلفیئر کیلئے مصروف عمل,آئی جی پنجاب نے پولیس ملازمین کو طبی اخراجات کیلئے مزید 10 لاکھ روپے جاری کر دئیے۔

ترجمان پولیس کا کہنا تھا کہ کانسٹیبل سید محمد وہاب عارف کو میجر سرجری کیلئے اڑھائی لاکھ روپے جاری،ہیڈ کانسٹیبل نعیم رضا بھٹی کو اوپن ہارٹ سرجری کیلئے 2 لاکھ روپے دئیے گئے۔
ڈی ایس پی اعجاز حسین بخاری کو گال بلیڈر آپریشن کیلئے 1 لاکھ روپے جاری،غازی ہیڈ کانسٹیبل عامر محمود کو ہرنیہ کے آپریشن کیلئے 1 لاکھ روپے دئیے گئے۔
سینٹری ورکر آصف ندیم خان کو ٹانگ کی سرجری کیلئے 1 لاکھ روپے،کانسٹیبل مقبول احمد کو آنکھوں کے آپریشن کیلئے ایک لاکھ روپے،کانسٹیبل علمدار حسین (مرحوم) کی اہلیہ کو علاج کیلئے 70 ہزار روپے دئیے گئے۔

علاوہ ازیں سب انسپکٹر ارحم اذان کو طبی اخراجات کیلئے 50 ہزار روپے جاری کئے، آئی جی پنجاب ڈاکٹر عثمان انور نے مذکورہ بالا فنڈز ویلفیئر برانچ کی سکروٹنی کے بعد جاری کئے۔