عابد چوہدری:گلشن راوی میں بھتہ نہ دینے پر پولیس اہلکاروں نے رینٹ اے کار ملازم کو تشدد کا نشانہ بنا دیا،واقعہ کی کلوزسرکٹ فوٹیج سامنے آ گئی
واردات کی کلوز سرکٹ فوٹیج میں بھی نظر آیا ہے کہ پولیس اہلکاروں اسد اور نصیر نے رینٹ اے کار ملازم عبدالرحمان کو تلاشی کے لیے روکا، پولیس اہلکار وں نے پہلے نوجوان کی تلاشی لی اوردوران چیکنگ کچھ نہ ملنے پر تشدد کا نشانہ بنا دیا۔،
پولیس اہلکار اسد اور نصیر کے تشدد سے نوجوان کے کان کا پردہ پھٹ گیا،رینٹ اے کار کے مالک نعمان نے کارروائی کے لئے لیے سی سی پی او دفتر درخواست دے دی ۔درخواست گزار کا کہنا ہے کہ بھتہ نہ دینے پر پولیس اہلکاروں نے ملازم کو تشدد کا نشانہ بنایا اوربھتہ نہ دینے پرپولیس اہلکار کاروباربند کرنے کی دھمکیاں دیتے ہیں۔
