سٹی42 : ایل ڈبلیو ایم سی آپریشن ٹیمیں فیلڈ میں متحرک، سی ای او بابر صاحب دین نے صفائی انتظامات کا جائزہ لینے کیلئے داتا گنج بخش ٹاؤن، راوی ٹاؤن کا دورہ کیا۔
سی ای او ایل ڈبلیو ایم سی بابر صاحب دین نے صفائی کے انتظامات کا جائزہ لینے کے لیے داتا گنج بخش ٹاؤن، راوی ٹاؤن کا دورہ کیا۔ داتا دربار سالانہ عرس کی آمد کے پیش نظر خصوصی صفائی انتظامات یقینی بنانے کی ہدایت کی۔ بادامی باغ لاری اڈا، گریٹر اقبال پارک، سبزی منڈی کے اطراف صفائی انتظامات کا جائزہ لیا۔ ایل ڈبلیو ایم سی کی جانب سے عوامی اور تفریحی مقامات پر آگاہی مہم کا بھی آغاز کر دیا گیا۔ بابر صاحب دین کا کہنا تھا ایل ڈبلیو ایم سی آپریشن ٹیمیں تینوں شفٹوں میں فیلڈ میں متحرک ہیں۔نائٹ شفٹ کے ساتھ ساتھ دن کے اوقات میں بھی مکینیکل سویپنگ کا عمل جاری ہے۔