فریحہ بتول: جنرل ہسپتال میں یوم آزادی کی خوبصورت تقریب ہوئی جس میں ہسپتال کے ڈاکتروں، نرسوں، پیرامیڈیکل سٹاف اور مہمانوں نے جوش و خروش سے شرکت کی۔
پروفیسر الفرید ظفر نے دوسرے ڈاکٹرز کے ہمراہ پرچم کشائی کی۔ تقریب میں ایم ایس ڈاکٹر فریاد حسین، فیکلٹی ممبران، نرسنگ آفیسرز، ڈاکٹرز اور ہیلتھ پروفیشنلز مریضوں اور ان کے تیماردار عزیزوں نے شرکت کی۔
پرچم کشائی کے بعد ایک خصوصی تقریب میں آزادی کا کیک کاٹا گیا اور ملکی سا لمیت کیلئے دعا کی گئی۔
پرنسپل پروفیسر الفرید ظفر نے ہیلتھ پروفیشلز میں تعریفی اسناد بھی تقسیم کیں۔ پروفیسر الفرید ظفر کا کہنا تھا کہ ڈاکٹر برادری وطن عزیز کی سالمیت، ترقی اور خوشحالی میں اپنی ذمہ داریاں ہمیشہ کی طرح احسن طریق سے پوری کرے گی ۔
