سٹی42: فٹ بال کی عالمی تنظیم فیفا نے پاکستان کے 78 ویں یومِ آزادی پر پاکستانیوں کو مبارکباد دیتے ہوئے پاکستان کے فٹ بالروں کو بھی خراجِ تحسین پیش کر دیا۔ فیفا کی مارک باد سوشل پلیٹ فارم ایکس پر فیفا کے آٖیشل ہینڈل سے کی گئی پوسٹ سے سامنے آئی اور تیزی سے پاکستانی سوشل میڈیا میں وائرل ہو گئی۔
فیفا کے ایکس ہینڈل سے پاکستان کے پرچم کے رنگوں پر پاکستانی فٹ بال کھلاڑیوں کا ایک کولاج پیسٹ کر کے اس کے کیپشن میں پاکستان کی سرکاری زبان اردو میں لکھا گیا، " ’77 واں آزادی کا جشن ! پاکستان کو یوم آزادی مبارک‘۔"
پاکستان میں فٹ بال کے کھلاڑیوں کو عموماً سوشل لائف مین کم توجہ ملتی ہے اور قومی نوعیت کی تقریبات میں بھی فٹ بالر خال خال ہی دکھائی دیتے ہیں۔ فیفا کی اس تہنئیتی پوسٹ سے پاکستان کے یوم آزادی پر فٹ بال کے مقامی ھیرو کم از کم سوشل پلیٹ فارمز پر تو خوب زیر بحث آ گئے۔