(ویب ڈیسک)زندگی میں ایسے ایسے واقعات پیش آتے ہیں جو ذہن پر نقش ہوکر رہ جاتے ہیں، ایسے واقعات کی سوشل میڈیا پلیٹ فارمز پر ویڈیوز بھی موجود ہیں ، ایک ایسا ہی واقعہ رونما ہواجس کی خوفناک ویڈیو تیزی کے ساتھ سوشل میڈیا پر وائرل ہورہی ہے، واقعہ میں کار ڈرئیوار نے پیچھے والی گاڑی پر کلہاڑی سے حملہ کیا۔
تفصیلات کے سڑک استعمال کرنے والے اکثر عدم برداشت کا شکار نظرآتے ہیں یا پھر جلد بازی کی وجہ سے آپے سے باہر ہوجاتے ہیں، ایک ایسا ہی واقعہ امریکی شہر واشنگٹن میں پیش آیا جہاں کار سوار نے دوسری کاگاڑی پر کلہاڑی کے ساتھ حملہ کردیا،سڑک پر ہارن بجنے سے تنگ آکر ڈرائیور نے دوسری گاڑی کے شیشے پر کلہاڑی دے ماری اور فرار ہوگیا، خوفناک واقعے نے شہریوں کو خوفزدہ کردیا، سوشل میڈیا پر تشدد کی ویڈیو وائرل ہوگئی۔
ویڈیو میں دیکھا جاسکتا ہے کہ ایک شخص شدید غصے کے عالم میں اپنی گاڑی سے نکلتا ہے اور ایک بڑی سی کلہاڑی پیچھے کھڑی دوسری گاڑی کے شیشے زور سے پھینکتا ہے۔
غیر ملکی خبر رساں ادارے کی رپورٹ کے مطابق متاثرہ شخص نے جیپ سے بچنے کے لیے مبینہ طور پر متبادل راستہ اختیار کیا لیکن دوسری گاڑی کے ڈرائیور نے غصے میں آکر اپنی گاڑی سے سڑک بلاک کردی۔
ڈرائیور غصے سے اترا تو اس کے ہاتھ میں ایک کلہاڑی تھی جسے اس نے پوری طاقت سے پیچھے والی گاڑی پر دے مارا تاہم اس سے کوئی جانی نقصان یا کسی کے زخمی ہونے کی اطلاع نہیں ہے۔