ویب ڈیسک : بھارت میں پولیس نے چوری کے کیس میں ملزم کے بجائے جج کا نام ڈال دیا۔
بھارتی میڈیا کے مطابق ریاست اترپردیش کے شہر فیروزآباد میں ایک چوری کا کیس عدالت میں لایا گیا جس میں عدالت نے ملزم کے ناقابل ضمانت وارنٹ جاری کرنے کا حکم دیا۔ کہانی میں نیا موڑ اس وقت آیا جب پولیس افسر نے ملزمان کی فہرست بنانے کے بجائے غلطی سے جج کا نام وارنٹ میں ڈال دیا۔پولیس افسر نے ملزم راج کمار کی بجائے جج نغمہ خان کا نام وارنٹ میں شامل کیا جب کہ عدالت نے ملزم راج کمار کے ناقابل ضمانت وارنٹ جاری کرنے کا حکم دیا تھا۔
جج نے اپنا نام وارنٹ میں دیکھ کر پولیس اہلکار کو معطل کردیا اور ساتھ ہی سنگین غلطی کے لیے پولیس افسر کے خلاف انکوائری کا حکم بھی دیا جس پر سینئر پولیس افسر نے غلطی سامنے آنے کے بعد کارروائی کرتے ہوئے سب انسپکٹر کو پولیس لائنز بھیجنے کا حکم دیا