حسن علی: پاکستان مسلم لیگ ق کی لاہورسمیت پنجاب بھرکی تنظیم نو دوبارہ سے کرنے کا فیصلہ، جنرل سیکرٹری ق لیگ چودھری شافع حسین نئے عہدیداروں کے انٹرویو کریں گے۔
چودھری شجاعت حسین نے پنجاب میں مضبوط قیادت لانے کیلئے ہدایات جاری کر دیں، مسلم لیگ ق کی پنجاب کے تمام اضلاع کی تنظیم نو کی جائے گی۔
ایسے افراد کو عہدے دئیے جائیں گے جو پارٹی کو ہر سطح پر مضبوط کر سکیں،پنجاب کے اضلاع کی موجودہ تنظیموں میں فعال افراد کو دوبارہ عہدہ دیا جائیگا۔
غیر سنجیدہ عہدیداروں سے عہدے واپس لئے جائیں گے،چودھری شافع حسین پنجاب کے تمام اضلاع کی مانیٹرنگ کریں گے۔