ویب ڈیسک: آرمی چیف جنرل عاصم منیرکی زیرصدارت کورکمانڈرزکانفرنس ہوئی کانفرنس میں ملک کی داخلی و خارجی سیکیورٹی ٖصورتحال پرغورکیا گیا۔
پاک فوج کے شعبہ تعلقات عامہ (آئی ایس پی آر)کے مطابق کور کمانڈرزکانفرنس میں توثیق کی گئی کہ عسکری قیادت تمام چیلنجز سے پوری طرح آگاہ ہے۔آئی ایس پی آر کےمطابق عسکری قیادت عوام کی حمایت کے ساتھ آئینی ذمہ داریاں نبھانے کا عزم رکھتی ہے۔
گزشتہ روز قومی سلامتی پرپارلیمانی کمیٹی کے اجلاس میں آرمی چیف جنرل عاصم منیرنے کہا ہے کہ سینٹرآف گریویٹی پاکستان کے عوام ہیں،آئین پاکستان اورپارلیمنٹ عوام کی رائے کا مظہر ہیں۔ عوام اپنی رائے آئین اورپارلیمنٹ کے ذریعےاستعمال کرتے ہیں۔
قومی سلامتی کےان کیمرہ سیشن میں آرمی چیف جنرل عاصم منیر کی آمد پر اراکین اسمبلی اوروفاقی وزرا نے ڈیسک بجا کران کا استقبال کیا جبکہ عسکری حکام کی جانب سے شرکاء کو ملکی سکیورٹی صورت حال پربریفنگ دی گئی۔