عیسیٰ ترین : ژوب کے علاقے دانہ سر میں زائرین بس گہری کھائی میں گرنے سے چار مسافر جاں بحق ، 24 زخمی ہوگئے۔
ریسکیو ذرائع کے مطابق ژوب کے علاقے دانہ سر کے مقام پر خوفناک حادثہ پیش آیا ، حادثے کی اطلاع ملتے ہی ریسکیو ٹیم موقع پر پہنچی، جس کے بعد حادثے سے زخمی ہونے والے کئی مسافروں کی تشویشناک حالت میں ٹراما سینٹر ژوب منتقل کردیا گیا ۔
ریسکیو ذرائع کا کہنا ہے کہ زائرین کی بس اسلام آباد سے کوئٹہ آرہی تھی ، حادثہ تیز رفتاری کے باعث پیش آیا۔ افسوسناک واقعے میں 4 افراد کے جاں بحق جبکہ 20 کے زخمی ہونے کی اطلاع ملی ہے ۔
دوسری جانب حکومت بلوچستان نے بس حادثے پر افسوس کا اظہار کرتے ہوئے تحقیقات کا حکم دے دیا ۔ ترجمان حکومت بلوچستان کا کہنا ہے کہ حادثے کی وجوہات کا تعین کیا جا رہا ہے ۔