(ویب ڈیسک)سلطنت عمان کے دارالحکومت مسقط کے ہوائی اڈے پر مسافر طیارے میں آگ لگ گئی۔
عرب میڈیا کے مطابق بھارتی مسافر طیارے کے انجن میں اس وقت آگ لگی جب وہ ٹیک آف کے لیے رن وے پر دوڑ رہا تھا۔
عمان کی سول ایوی ایشن اتھارٹی کے مطابق بھارتی مسافر طیارے کے انجن میں آگ لگنے سے طیارے میں دھواں بھرگیا، واقعے کے بعد جہاز کو روکنا پڑا ،مسافروں کو ہنگامی بنیادوں پر طیارے سے نکالا گیا۔ایوی ایشن حکام کا کہنا ہےکہ ہنگامی اخراج کے دوران 14 مسافر زخمی ہوئے۔