شہباز علی: پاکستان ہاکی فیڈریشن نے جونئیر ایشیا کپ ہاکی ٹورنامنٹ کے شیڈول کا اعلان کر دیا ،یہ ٹورنامنٹ 26 نومبر سے 4 دسمبر تک مسقط، عمان میں منعقد ہوگا۔

پاکستان کو پول بی میں شامل کیا گیا ہے جہاں اس کے حریف ملائشیا، بنگلہ دیش، عمان اور چین ہوں گے۔ پول اے میں انڈیا، کوریا، جاپان، چائنیز تائپے اور تھائی لینڈ شامل ہیں۔

پاکستان کی ٹیم اپنا پہلا میچ 27 نومبر کو چین کے خلاف کھیلے گی۔ اس کے بعد 28 نومبر کو بنگلہ دیش کے خلاف دوسرا میچ ہوگا۔ پاکستان اپنا تیسرا میچ 30 نومبر کو عمان کے خلاف کھیلے گا، جبکہ پول کا آخری میچ یکم دسمبر کو ملائشیا کے خلاف ہوگا۔

شیڈول کو ایشین ہاکی فیڈریشن نے پی ایچ ایف کو بھجوا دیا ہے.