سٹی 42 : شدید دھند اور سموگ کے باعث موٹروے ایم 2 ، ایم 3 اور ایم 11 ہر قسم کی ٹریفک کے لیے بند کر دی گئی ۔ 

ترجمان موٹروے پولیس کے مطابق موٹر وے M-2 لاہور سے کوٹ مومن تک شدید دھند کے باعث ہر قسم کی ٹریفک کے لیے بند کر دی گئی ہے۔ ایم 2 کے بعد ایم 3 اور ایم 11 بھی بند کردی گئی، موٹروے ایم 11 لاہور سے کامونکی تک، جبکہ موٹروےایم 3 لاہور  سے جڑانوالہ تک دھند اور سموگ کی وجہ سے بند کردی گئی۔ 

ترجمان موٹروے پولیس کا کہنا ہےکہ موٹروے بند کرنے کا مقصد حادثات سے بچاؤ اور موٹروے استعمال کرنے والوں کی جان و مال کی حفاظت ہے، شہریوں سے درخواست ہے کہ  دھند کہ اوقات  میں غیر ضروری سفر سے گریز کریں، اپنا سفر دن کی روشنی میں مکمل کر کے  دھند کے اغاز سے پہلے اپنے منزل مقصود تک پہنچ جائیں،گاڑیوں میں فوگ لائٹس کا استعمال کریں، تیز رفتاری سے پرہیز کریں اور  اگلی گاڑی سے مناسب فاصلہ معمول سے  زیادہ رکھیں، سفر شروع کرنے سے پہلے موٹروے پولیس ہیلپ لائن 130 سے معلومات حاصل کی جا سکتی ہیں ،اس کے علاوہ نیشنل ہائی ویز اینڈ موٹروے پولیس کے افیشل سوشل میڈیا اکاؤنٹ سے بھی تازہ ترین معلومات حاصل کی جا سکتی ہیں ۔