ویب ڈیسک:پاکستان نے آسٹریلیا کے خلاف پہلے ٹی20 میچ میں ٹاس جیت کر پہلے فیلڈنگ کرنے کا فیصلہ کیا ہے، بارش سے متاثرہ میچ کو 7 اوورز فی اننگز تک محدود کردیا گیا ہے۔

آسٹریلیا کے شہر برسبین میں پاکستان اور آسٹریلیا کی ٹیموں کے درمیان 3 ٹی20 انٹرنیشنل پر مشتمل سیریز کا پہلا میچ بارش کے باعث تاخیر کا شکار ہوا، مسلسل بارش کے باعث میچ کا ٹاس بھی تقریباً 2 گھنٹے تاخیر سے ہوا۔

بارش سے متاثرہ میچ کو 7 اوورز فی اننگز تک محدود کردیا گیا ہے جس میں صرف 2 اوورز کا پاور پلے ہوگا جب کہ دو باؤلرز 2،2 اوور کروائیں گے جب کہ 3 باؤلرز ایک ایک اوور کروائے گا۔

 آسٹریلیا ٹی20 ٹیم کی قیادت جوش انگلس کررہے ہیں جبکہ انہیں، مچل مارش، ٹریوس ہیڈ، مچل اسٹارک، جوش ہیز ل ووڈ کی خدمات حاصل نہیں ہیں۔

واضح رہے کہ پاکستان نے آسٹریلیا کو ون ڈے سیریز میں 22 سال بعد شکست دی تھی، قومی ٹیم نے 3 میچوں کی سیریز میں 1-2 سے کامیابی حاصل کی تھی۔