علی ساحی: موسموں کی شدت کے دوران لاہور آنے والے افسران و اہلکاروں کے لیے پولیس نے جدید سہولتوں سے آراستہ "سرِراہ" لاجز فراہم کر دیے ہیں۔
یہ لاجز قلعہ گجر سنگھ پولیس اسٹیشن کی بالائی منزل پر تعمیر کیے گئے ہیں، جہاں دور دراز اضلاع سے آنے والے افسران اور اہلکار قیام کر سکتے ہیں۔
"سرِراہ" لاجز میں رہائش کے بہترین انتظامات موجود ہیں، جن میں خواتین پولیس افسران و اہلکاروں کیلئے علیحدہ رہائش کا بھی انتظام کیا گیا ہے۔ اس کے علاوہ، کمپیوٹر سسٹمز، پرنٹرز، فیکس اور دیگر دفتری سہولتیں بھی دستیاب ہیں، تاکہ ملازمین اپنے پیشہ ورانہ امور بخوبی انجام دے سکیں۔