ویب ڈیسک: پاکستان میں شیڈول آئی سی سی چیمپئینز ٹرافی کی نئی ویژول آئیڈینٹیٹی منظرعام پر آگئی۔

 انٹرنیشنل کرکٹ کونسل (آئی سی سی) کی جانب سے جاری کردہ ویڈیو میں چیمپئینز ٹرافی 2025ء پاکستان کا لوگو بھی نمایاں ہے جبکہ ٹرافی برانڈ کا نیا ٹائپو گرافک لوگو بھی جاری کردیا ہے۔چیمپئینز ٹرافی 2025 کے ذکر میں پاکستان کا مشہور ٹرک آرٹ بھی دکھایا گیا ہے۔

ویژول آئیڈنٹیٹی میں ایونٹ کے لوگو سمیت دیگر تصویری عناصر کی نمائندگی بھی شامل ہے۔آئی سی سی چیمپئینز ٹرافی 2017ء کے بعد پہلی بار منعقد ہونے جارہی ہے۔

واضح رہے کہ قومی ٹیم ایونٹ میں بطور میزبان اور ٹائٹل کا دفاع کرے گی۔