محکمہ موسمیات نے موسم کے حوالے سے خبردار کردیا

روزینہ علی : آج رات کے موسم کی  صورتحال کے حوالے سے محکمہ موسمیات کا کہنا ہے کہ ملک کے  بیشتر علاقوں میں موسم خشک جبکہ بالائی علاقوں  میں سرد رہے گا۔
بدھ کے روزموسم کی صورتحال کے متعلق محکمہ موسمیات کا کہنا ہے کہ اسلام آباد میں موسم سرد اور خشک رہے گا۔ خیبرپختونخوا کے بیشتر اضلاع میں بھی مو سم سرد اور خشک رہے گا، جبکہ پشاور، چارسدہ، نوشہرہ، مردان اور صوابی میں صبح  کے اوقات میں دھند پڑنےکا امکان ہے۔ 
محکمہ موسمیات کا کہنا ہے کہ پنجاب کے بیشتر اضلاع میں   مو سم خشک جبکہ مری، گلیات میں سرد  رہے گا، اس کے علاوہ  صبح کے اوقات میں سیالکوٹ، لاہور، گوجرانوالہ، نارووال، سرگودھا، اوکاڑہ،   فیصل آباد، ٹوبہ ٹیک سنگھ،جھنگ،خانیوال ،ملتان، بہا ولپور ، ڈیرہ غا زی خان  اور گر دو نواح میں دھند چھائے رہنے کاا مکان ہے۔ 
محکمہ موسمیات کا کہنا ہے کہ بلوچستان کے بیشتر اضلاع میں مو سم خشک جبکہ شمالی اضلاع میں سرد اور مطلع جزوی ابر آلود  رہے گا، سندھ کے بیشتر اضلاع میں بھی موسم خشک  رہے گا، جبکہ کشمیر  اورگلگت بلتستان میں  مو سم سرد اور خشک رہے گا۔