جیل روڈ (زاہد چودھری) سموگ اور آلودگی کے باعث لاہور میں سانس لینا عذاب بن گیا، اعلیٰ عدلیہ نوٹس لے، سینئر صحافی اور تجزیہ کار بھی بول پڑے ۔

 ڈینگی اور کورونا کے بعد اب سموگ لاہوریوں کیلئے وبال جان بن گیا، جائیں تو جائیں کہاں؟ شہری سانس، گلے، آنکھوں اور جلد کے امراض میں مبتلا ہو رہے ہیں۔ طبی ماہرین نے کہا ہے کہ فضائی آلودگی کی حالیہ شرح ناقابل برداشت ہے، شہری گھروں سے باہر نکلتے وقت ماسک کا ستعمال کریں اور موٹر سائیکل سوار خصوصی طور پر ہیلمٹ لازمی پہنیں تاکہ سموگ کے منفی اثرات سے بچا جاسکے۔

دھواں دھواں لاہور ، پاکستان کے دل لاہور کے مکین فضائی آلودگی سے مر رہے ہیں اور پنجاب کے وزیر صاحب فرماتے ہیں کہ لاہور میں سموگ نام کی کوئی چیز موجود نہیں ۔ لاہور کے لوگوں کو ظالموں کے رحم وکرم پر چھوڑ دیا گیا ہے ۔ اعلیٰ عدلیہ لاہور کی فضا کو زہر سے نجات دلائے #Lahore #Smog pic.twitter.com/AFxmnWZ3RS

— Hamid Mir (@HamidMirPAK) November 13, 2021

سینئر صحافیوں نے بھی ٹویٹس میں اظہار تشویش کرتے عدلیہ سے نوٹس لینے کی اپیل کردی مگر پنجاب کے تحفظ ماحولیات کے وزیر محمد رضوان کو شہرمیں کہیں سموگ نظر نہیں آتی، سینئر تجزیہ کار حامد میر نے ٹویٹ کیا، دھواں، دھواں لاہور کے مکین فضائی آلودگی سے مر رہے ہیں۔

Lahore with its worst air quality has become the world’s most smog-polluted city…authentic figures report the fatal risks attached to this. While govt sleeps takes no action to roll back the smog, pleas made to Hon #CJP & #SCjudges to take notice. #SmogLahore pic.twitter.com/FTTR5TRW0I

— Nasim Zehra (@NasimZehra) November 13, 2021

سینئر تجزیہ کار نسیم زہرہ نے ٹویٹ کرتے ہوئے کہا کہ لاہور کی فضا دنیا میں سموگ کے باعث آلودہ ترین قرار دی گئی ہے، چیف جسٹس آف پاکستان اور سپریم کورٹ ایکشن لیں۔

لاہور فریاد کر رہا ہے، اس کا دم گھٹ رہا ہے، سانس لینا دوبھر ہو گیا ہے، کون اس کی فضاؤں کو صاف کرے گا؟ کون اسے آلودگی سے نجات دلائے گا؟ وزیر اعظم کو اگر فرصت نہیں ہے تو چیف جسٹس ہی نوٹس لے لیں۔

؀ مٹ جائے گی مخلوق تو انصاف کرو گے
منصف ہو تو حشر اٹھا کیوں نہیں دیتے pic.twitter.com/RPwHALltrJ

— Mujibur Rahman Shami (@mujibshami1) November 13, 2021

سینئر تجزیہ کار مجیب الرحمان شامی نے لکھا لاہور کا دم گھٹ رہا ہے، وزیراعظم کو اگر فرصت نہیں تو چیف جسٹس ہی نوٹس لے لیں۔ سینئر تجزیہ کار نجم سیٹھی نے منجانب اہل لاہور کے نام سے ویڈیو اپ لوڈ کر دی۔

لاہور بدترین ماحولیاتی آلودگی کا شکار ہے ۔ اعلی عدلیہ سے لاہور کو سموگ سے بچانے کی دردمندانہ اپیل ????????#Smog #Lahore pic.twitter.com/PqCX3mfqFk

— Asma Shirazi (@asmashirazi) November 13, 2021

عاصہ شیرازی نے ٹویٹ میں کہاکہ کہ اعلیٰ عدلیہ سے لاہور کو آلودگی سے بچانے کی درد مندانہ اپیل ہے.دوسری جانب وزیرماحولیات نے آلودگی کے حوالے سے پرائیوٹ ڈیٹا کو غیرمعیاری قراردیدیا۔ تحفظ ماحولیات کے صوبائی وزیر محمد رضوان نے کہاکہ پرائیوٹ طورپر جاری ایئر کوالٹی ڈیٹا غلط ہے اور ایسا کرنیوالوں کیخلاف کارروائی کریں گے مگر حکومت کی اپنی ریڈنگز بھی قابل اعتبار نہیں، لاہور میں سموگ نام کی کوئی چیز موجود نہیں۔