سٹی 42 : شہر لاہور کی ایک لاکھ 39ہزار کے قریب روڈ لائٹس خراب ہونے کی وجہ سے راہگیروں کو شدید مشکلات کا سامنا ہے ۔ 
ڈیوس روڈ،زمان پارک،مولانا شوکت علی روڈ، رائیونڈ روڈ،راوی روڈ ، آزادی چوک کی سٹریٹ لائٹس خراب ہونے کی وجہ سے سڑکوں پر اندھیروں کا بسیرا ہے۔ ضلعی انتظامیہ کی نااہلی سے سٹریٹ لائٹس کو روشن نہ کیا جا سکا۔ 
شہریوں کا کہنا ہے کہ سٹریٹ لائٹس کی بندش سے راہگیروں کو شدید مشکلات کا سامناہے،  اندھیرے کے باعث حادثات اور وارداتوں میں اضافہ ہونے لگا ہے۔ دوسری جانب مکینوں کو رات کے اوقات میں سفر کرنے میں مشکلات درپیش ہیں۔ 
شہریوں کی جانب سے انتظامیہ سے سڑکوں پر لگی لائٹس ٹھیک کروانے کا مطالبہ کیا گیا ہے ۔