پیپلز پارٹی جنوبی پنجاب کی تنظیم سازی کے لئے پارٹی میں مشاورت عروج پر 

حسن علی:  پاکستان پیپلز پارٹی وسطی پنجاب کی تنظیم سازی کیلئے پیپلز پارٹی کے اندر مشاورت جاری ہے۔
انفارمیشن سیکرٹری شہزاد سعید چیمہ اور نیلم جبار سے پارٹی رہنماؤں نے منگل کے روز  ملاقات کی۔ ڈسڑکٹ ون اور تھری کے صدر اور جنرل سیکرٹریز ملاقات کرنیوالوں میں شامل تھے۔  پارٹی رہنماؤں نے عاطف رفیق چودھری، زاہد ذوالفقاراور میر شکیل چنی سے بھی پارٹی کی تنظیم نو پر تبادلہ خیال کیا۔
اگلے ہفتے دونوں ڈسٹرکٹس کا دور ہ کر کے پارٹی کی تنظیم کے پائلٹ پراجیکٹس کا جائزہ لیا جائے گا۔
پارٹی رہنماؤں کی میاں مصباح الرحمن ٰاور منظور مانیکا سے بھی الگ الگ ملاقاتیں ہوئی ہیں جن میں جنوبی پنجاب کی نئی تیظیم کے معاملات پر مشاورت کی گئی۔
ملاقات میں پڑھے لکھے، مخلص اور باوسیلہ نوجوانوں کو آگے لانے پر اتفاق رائے پایا جاتا ہے۔  نئی تنظیمیں بناتے وقت نوجوانوں کو بھی شامل کرنے کا فیصلہ کیا گیا۔