(قیصر کھوکھر) متحدہ عرب امارات کے صدر خلیفہ بن زاید آل نہیان کے انتقال پر پنجاب میں تین روزہ قومی سوگ کا اعلان کردیا گیا۔
ذرائع کے مطابق متحدہ عرب امارات کے صدر خلیفہ بن زاید آل نہیان کے انتقال پر یو ای اے کے عوام سے اظہار یکجہتی کیلئے پنجاب حکومت نے تین دن کے سوگ کا اعلان کیا ہے، پنجاب حکومت کے تمام دفاتر پر قومی پرچم تین دن سرنگوں رہے گا، حکومت پنجاب نے وفاق کی ہدایت پر تین روزہ سوگ کے حوالے سے نوٹیفکیشن جاری کردیا ۔
واضح رہے کہ گزشتہ روز متحدہ عرب امارات کے صدر شیخ خلیفہ زید النہیان خالق حقیقی سے جاملے، شیخ زید النہیان 1948 کو پیدا ہوئے تھے ، وہ 3 نومبر 2004 سے صدارت کے منصب پر فائز تھے ۔