وزیراعلیٰ پنجاب کی وزیر اعلیٰ مریم نواز کے زیر استعمال بلٹ پروف گاڑی کے ٹائر ڈیڑھ سال میں ہی تبدیل کرنا پڑ گئے۔ اکتوبر 2022 میں پی ٹی آئی کی حکومت کے دوران تبدیل کروائے گئے ٹائر ناقص نکلے، متعلقہ سرکاری افسران نے سکیورٹی اور سیفٹی کے دلائل دے کر بمشکل تمام وزیر اعلیٰ مریم نواز کو ٹائروں کی تبدیلی کے لئے رقم کی منظوری دینے پر آمادہ کیا۔
وزیر اعلیٰ مریم نواز کی منظوری کے بعد سرکاری گاڑی کے ٹائر بدلنےکے لیے محکمہ خزانہ سے 2 کروڑ 73 لاکھ روپے طلب کرلیےگئے ہیں۔
وزیر اطلاعات پنجاب عظمیٰ بخاری نے بتایا کہ وزیر اعلیٰ کے زیر استعمال سرکاری گاڑی کے ٹائروں کی تبدیلی کے لیے بھی مریم نواز کو سرکاری افسروں نے سیفٹی اور سکیورٹی کے مسائل کے حوالے دے کر قائل کیا۔ ایک بار دوران سفر ایک ٹائر برسٹ بھی ہوچکا ہے۔
عظمیٰ بخاری نے بتایا کہ اس گاڑی کے ٹائر اکتوبر 2022 میں آخری بار تبدیل ہوئے، اُس وقت بھی ان کی قیمت 2کروڑ 34 لاکھ روپے ادا کی گئی تھی۔ مخالفین کے پاس کہنےکو کچھ نہیں تو انہوں نے گاڑی کے ٹائروں کی تبدیلی پر واویلا شروع کردیا۔
وزیراعلیٰ پنجاب کے بنی گالا سے چیف منسٹر آفس آمد کے لئے ہیلی کاپٹر کے استعمال سے متعلق عظمٰی بخاری نےبتایا کہ وہ ہیلی صرف ایک دن کے لیے استعمال ہوا تھا، وہ بھی سکیورٹی معاملات میں روٹین کی تبدیلی کے لیےکیا گیا تھا۔ عظمیٰ بخاری نے بتایا کہ وزیر اعلیٰ روزانہ آمد و رفت کے لئے سڑک کا راستہ اختیار کر رہی ہیں۔