ویب ڈیسک: چیئرمین پیپلز پارٹی بلاول بھٹو زرداری نے وزیر اعظم عمران خان کی اردو کا مذاق اُڑا دیا۔
بلاول بھٹو نےسوشل میڈیا سائٹ ٹوئٹر پر وزیراعظم کے ایسے بیانات کے مختلف کِلپس پر مبنی ایک مزاحیہ ویڈیو شیئر کی جس میں مختلف مواقعوں پر ان کی زبان پھسلی۔بلاول نے اپنے ٹوئٹ میں لکھا کہ ’وزیراعظم مجھے اردو سِکھا رہے ہیں۔‘
چیئرمین پیپلز پارٹی کی جانب سے جاری ویڈیو کا آغاز وزیراعظم کے اس بیان سے ہوتا ہے جو بلاول کے ’کانپیں ٹانگ رہی ہیں‘ کے جواب میں وزیر اعظم عمران خان سابق صدر آصف علی زرداری کو مشورہ دیتے ہیں کہ اپنے بیٹے کو اردو سکھائیں، اس بیان کے بعد ترتیب وار وزیر اعظم کے وہ بیانات موجود ہیں جس میں ان کی زبان پھسلی تھی۔