جیل روڈ (درنایاب) کورونا وائرس سے بچاؤ کیلئے لاہور کے 5 بڑے پارکوں میں ہاتھ دھونے کےلئے سنک لگائے جائیں گے، ڈی جی پی ایچ اے نے احکامات جاری کردیئے۔

ڈی جی پی ایچ اے مظفر خان نے تمام ہارٹیکلچر کے ڈائریکٹرز اور پراجیکٹ ڈائریکٹرز کو ہدایات جاری کر دی ہیں، ہدایات کے مطابق باغ جناح، جیلانی پارک، گریٹرا قبال پارک اور بوٹینیکل گارڈن جلو میں ہاتھ دھونےکیلئے سنک لگائیں جائیں گے۔

 ڈی جی پی ایچ اے مظفر خان کا کہنا ہے کہ نے پارکوں میں ہاتھ دھونے کیلئے سینی ٹائزر اور ہینڈ واش کی فراہمی یقینی بنائی جائے گی۔

  مظفر خان کا کہنا ہے کہ پارکوں میں آنے والے افراد ہاتھ دھو کر پارکوں میں داخل ہوں۔ڈی جی پی ایچ اے مظفر خان کا کہنا ہے کہ پارکوں میں آنے والے لوگوں کو کورونا وائرس سے بچاؤ کے لیے ہدایات بھی دی جائیں۔

دوسری جانب محکمہ وائلڈ لائف نے کورونا وائرس کے  پیش نظر تمام وائلڈ لائف پارکس لاہور چڑیا گھر، زوسفاری، جلو زو سفاری بند کرنے کا فیصلہ کرلیا، ویٹرنری ڈاکٹرز  کی جانب سے چڑیا گھر میں موجود  جانوروں کے بلڈ، فلو کے ٹیسٹ کیے گئے ہیں اور انکی ویکسینیشن بھی کی گئی ہے۔

واضح رہےکہ چین سے شرو ع ہونے والا کورونا وائرس اب تک دنیا کے 123 ممالک میں پھیل چکا ہے، پاکستان میں بھی کورونا وائرس کے دو کیسز سامنے آگئے ہیں، چین میں اب تک کورونا وائرس سے 78 ہزار سے زائد افراد متاثر ہو چکے ہیں جبکہ 2700 ہلاک ہوئے ہیں۔

حکومت پاکستان اس جان لیوا وائرس کے پھیلاؤ کو روکنے کیلئے مختلف اقدامات کررہی ہے، پنجاب حکومت نے لاہور سمیت پنجاب بھر کے ہسپتالوں میں میڈیکل ایمرجنسی نافذ کردی، بزدار حکومت نے کورونا وائرس کے پیش نظر سکولز، کالجز اور یونیورسٹیاں بند کرنے کا فیصلہ کرلیا، لاہور ضلعی انتظامیہ نے کورونا وائرس کے پھیلاؤ کے خدشے کے باعث شادی ہالز اور سینما ہالز بھی بند کردیئے ۔

ذرائع کے مطابق کورونا وائرس بخار سے شروع ہوتا ہے جس کے بعد خشک کھانسی آتی ہے، یہ  وائرس سانس کے ذریعے ایک سے دوسرے انسان میں منتقل ہونے کی صلاحیت رکھتا ہے، طبی ماہرین نے شہریوں کو فیس ماسک استعمال کرنے اور ایک دوسرے سے ہاتھ ملانے سے اجتناب کرنےکا مشورہ دیا۔