جنید ریاض: لاہور کاموسم ابر آلود، ٹھنڈی ہواوں کاراج، محکمہ موسمیات نے دوپہر کے وقت مختلف مقامات پر ہلکی بارش کی پیشگوئی کردی۔

محکمہ موسمیات کے مطابق آئندہ چوبیس گھنٹوں کے دوران موسم جزوی طور پر ابرآلود رہے گا۔ شہر میں دوپہر کے وقت ہلکی بارش ہونے کا امکان ہے۔

آج زیادہ سے زیادہ درجہ حرارت 22 ڈگری سینٹی گریڈ رہے گا، صبح کے وقت کم سے کم درجہ حرارت 12 ڈگری سینٹی گریڈ ریکارڈ کیا گیا اور ہوا میں نمی کاتناسب 88 فیصد رہا۔

 محکمہ موسمیات کے مطابق اتوار کے روز بھی شہر کا موسم خوشگوار رہے گا۔