ویب ڈیسک: پاکستان پیپلز پارٹی کے چیئرمین اور وزیر خارجہ بلاول بھٹو زرداری نے یونائیٹڈ بزنس گروپ کے چیئرمین اور لاہور چیمبر کے سابق صدر شہزاد علی ملک سے انکی رہائش گاہ میں ملاقات کی۔
ملاقات میں ملکی معاشی صورتحال پر تفصیلی تبادلہ خیال کیا گیا۔تاجر رہنماؤں نے بلاول بھٹو زرداری سے ملک کی بگڑتی معاشی صورت حال اور بجٹ 2023 کے حوالے سے تحفظات کا اظہار کیا۔
ملاقات میں دین گروپ کے چیئرمین اور نگران صوبائی وزیر ایس ایم تنویر ،فیڈریشن آف پاکستان چیمبر آف کامرس اینڈ انڈسٹریل کے سابق صدر عبدالروف عالم،لاہور چیمبر آف کامرس کے صدر کاشف انور،خیبر چیمبر کے صدر جواد کاظمی سمیت سرگودھا ،شیخوپورہ، لاڑکانہ اور رحیم یار خان چیمبر کے گروپ لیڈرز عامر عطاء باجوہ،منظور ملک،ممتاز علی شیخ،رؤف مختار شامل تھے۔
ملاقات میں پاکستان بزنس فورم کے صدر مومن ملک تاجر رہنما رحمان چن، ڈاکٹر نعمان، سعادت شاہ، سہیل ملک، پیر ناظم حسین شاہ، محمد شفیق ، ظفر بختاوری اور ملک جہانگیر بھی شامل تھے۔