لاہور پولیس کا نشے کے عادی افراد کیخلاف کریک ڈاؤن

اسرار خان : لاہور پولیس کانشےکےعادی افراد کیخلاف کریک ڈاؤن ، مسلم ٹاؤن موڑ کینال روڈ پر سو سے زائد نشے کے عادی افراد کو علاج گاہوں میں منتقل کردیاگیا۔
 ایس پی اقبال ٹاؤن عثمان ٹیپو کی قیادت میں آپریشن کیاگیا۔ نہر پر ڈیرے لگائے منشیات کے سو سے زائد عادی افراد کو حراست میں لے کر علاج گاہوں میں منتقل کیا گیا ۔ ایس پی اقبال ٹاؤن کا کہناہے کہ منشیات کے عادی افراد کی نقل و حرکت پر کڑی نظر رکھنے کے لئے مسلم ٹاؤن موڑ پر شفٹ وائز نفری تعینات رہے گی۔ منشیات فروشوں کے خلاف بھی کریک ڈاؤن کیا جا رہا ہے ۔ رواں ماہ کے دوران 30 منشیات فروشوں کو گرفتار کر کے 15 کلو چرس اور 300 لیٹر شراب برآمد کی گئی ہے۔