(سٹی42)بالی ووڈ کے معروف موسیقار و گلوکار انو ملک کانام کسی تعریف کا محتاج نہیں ان کے گائے ہوئے گانے نہ صرف بھارت بلکہ کے پاکستان میں بھی لوگ سنتے ہیں، انو ملک کی ایک ویڈیو سوشل میڈیا پر تیزی کے ساتھ وائرل ہورہی ہے جس میں انہوں نے خود کوپانچ، چھ تھپڑرسید کرلئے۔

تفصیلات کے مطابق بالی ووڈ کی دنیا میں ایسے بے شمار موسیقار موجود ہیں جنہوں نے اپنی آواز کے جادو کی وجہ سے لوگوں کواپنا گرویدہ بنالیا، انہی لوگ میں ایک نام معروف موسیقار و گلوکار انو ملک کا ہے جو کہ آج کل اکثر انڈیا آئیڈیل شو میں بطور جج دکھائی دیتے ہیں، حالیہ دنوں ہونے والے اسی شو کے سیزن 11 میں ایک ناخوشگوار واقعہ رونما ہوا۔

سیزن میں آڈیشن کے لئے ایک امیدوارسٹیج پر آیا جس کے ہاتھ میں گرم پانی تھا،ججز نے امیدوار سےگانے کا کہا جیسے ہی اس نے گانے شروع کیا وہاں موجود لوگ اور تینوں ججز منہ تکتے رہ گئے جبکہ نیہاکاکر اور ساتھی جج ہنس کرلوٹ پوٹ ہوگئے جبکہ انو ملک نے اپنے چہرے پر تھپڑمارنے لگے،پاون کمار نامی امیدوار نے آڈیشن فلم ‘اے دل ہے مشکل’ کا گیت ’بلیاہ‘ گانا شروع کرتا ہے جس پر ججز کی ہنسی نکل آتی ہے۔