حافظ شہباز علی : اتھلیٹکس فیڈریشن آف پاکستان نے اس سال شیڈول ساوتھ ایشین اتھلیٹکس ایونٹس کے لیے ٹرائلز کا شیڈول جاری کردیا۔
اس سال ساوتھ ایشین اتھلیٹکس کے 3 ایونٹس شیڈول ہیں۔ ساوتھ ایشین جونئیر اتھلیٹکس چیمپئن شپ 11 سے 13 ستمبر تک بھارت کے شہر چنائی میں شیڈول ہے ۔ ساوتھ ایشین اتھلیٹکس چیمپئن شپ 4 سے 6 اکتوبر تک بھارت میں شیڈول ہے ۔ ساوتھ ایشین کراس کنٹری چیمپئن شپ 3 نومبر کو جناح اسٹیڈیم اسلام آباد میں ہوگی۔
تینوں ایونٹس کے لیے اتھلیٹکس فیڈریشن آف پاکستان نے ٹرائلز لینے کا فیصلہ کیا ہے ۔ ٹرائلز 27 اور 28 جولائی کو پنجاب اسٹیڈیم کے اتھلیٹکس ٹریک پر ہوں گے۔ جونئیر ٹیم کے ٹرائلز میں 2005 سے 2008 کے درمیان پیدا ہونے والے اتھلیٹس حصہ لینے کے اہل ہوں گے ۔
چیئر مین ساوتھ ایشین اتھلیٹکس فیڈریشن میجر جنرل(ر) محمد اکرم ساہی نے ساف اتھلیٹکس چیمپئن شپ کے شیڈول کی منظوری دے دی ۔ محمد اکرم ساہی کا کہنا ہے کہ ساف اتھلیٹکس چیمپئن شپ میں سات ساوتھ ایشین ممالک کے اتھلیٹس ایکشن میں ہوں گے۔