ویب ڈیسک:  فیڈرل بیورو آف انویسٹی گیشن کا کہنا ہے کہ سابق امریکی صدر ڈونلڈ ٹرمپ پر قاتلانہ حملہ  کرنے والے حملہ آور کی شناخت ہو گئی۔

پنسلوینیا میں پریس کانفرنس کرتے ہوئے ان کا کہنا تھا کہ اس واقعہ میں ایک حملہ آور اور ایک شخص ہلاک ہوئے ہیں، مشتبہ شخص کا ڈی این اے کررہے ہیں، سکیورٹی اداروں نے فوری جواب دیا،  حملہ آور کی شناخت ہو گئی، مشتبہ شخص کا تعلق پنسلوانیا سے ہے،جائے وقوع پر بدستور تحقیقات جاری ہیں۔

انہوں نے بتایا کہ اس حملے میں کسی پولیس والے پر فائرنگ نہیں کی گئی،حملہ آور نے اونچے مقام سے سٹیج کی طرف متعدد گولیاں چلائیں، قانون نافذ کرنے والے اداروں نے فوری جواب دیا، ٹرمپ پر حملے کے بعد اب وہاں کوئی خطرہ نہیں، ہماری تمام ایجنسی سیکریٹ سروس کے ساتھ مل کر کام کرتی ہیں، ہم سیکریٹ سروس کو معاونت فراہم کرتے ہیں۔

ایف بی آئی حکام نے کہا کہ سیکریٹ سروس نے لوگوں کے تحفظ کے لیے بہترین کام کیا، انہوں نے وسائل کے لیے معاونت مانگنے میں ہچکچاہٹ نہیں کی، اور یہ ہماری ذمہ داری ہے کہ ہم انہیں یہ وسائل فراہم کریں۔

ان کا کہنا تھا کہ اس واقعہ کی فوٹوز اور ویڈیوز انتہائی مددگار ہوں گی، جس کے بھی پاس اس شوٹر کے حوالے سے معلومات ہوں گی وہ ہمارے لیے اس حملےکا مقصد کا پتہ لگانے کے لیے کار آمد ہوں گی۔