وقاص احمد: لاہور میں گھر میں آگ لگنے سے 2 سالہ بچی جاں بحق جبکہ  3 سالہ بچہ زخمی ہوگیا۔

ریسیکیو ذرائع کے مطابق مالی پورہ شفیق آباد کے ایک گھر میں اچانک آگ بھڑک اٹھی۔ آگ کی اطلاع ملنے پر ریسکیو اور پولیس اہلکار موقع پر پہنچ گئے اور آگ پر قابو پایا۔

آتشزدگی کے نتیجے میں 2 سالہ بچی حورم شہزادی جھلس کر جاں بحق ہوگئی جبکہ 3 سالہ بچہ زخمی ہوگیا۔ ریسیکیو اہلکاروں نے لاش اور زخمی بچے کو ہسپتال منتقل کردیا ہے۔

آگ لگنے کی وجوہات کے بارے میں تحقیقات جاری ہیں۔