ماڈل ٹاؤن (زین مدنی) معروف اداکارہ حرا مانی نے نصیبو لال کی آواز میں پی ایس ایل 6 کے ترانے کی تعریف کرتے ہوئے کہا ہے کہ میری خواہش ہے اگلا پی ایس ایل کا ترانہ بھی نصیبو لعل ہی گائیں۔
حرا مانی نے نصیبو لال کی حمایت میں انسٹاگرام پر گلوکارہ نصیبو لعل کی تصویر شیئر کرتے ہوئے لکھا واہ واہ کیا گانا گا دیا یہ آواز یہ انداز اصل فنکار اصل ہی ہوتا ہے، مزے کی بات یہ ہے کہ 1980 سے یہ آواز لاکھوں دلوں کی دھڑکن ہے، انٹرنیٹ کا دور تو اب آیا ہے اور اس دور میں بھی چھکا مار دیا نصیبو کی آواز نے اور سب سے بہترین بات یہ ہے کہ آج تک پی ایس ایل کا گانا اتنا ہٹ ہوا ہی نہیں جتنا یہ ہوا ہے۔
View this post on Instagram
حرا مانی نے مزید لکھا میڈم ہم آپ کی عزت کرتے ہیں، بس یہ ایلیٹ برگرز تنقید نگار انٹرنیٹ کے دور کے ہم جیسے کم فالوورز والے ان کو کیا پتہ کہ اصل فین فالووئنگ ہوتی کیا ہے، ہماری نصیبو کی کامیابی اور آواز جن سے ہضم نہیں ہو رہی وہ تکیے میں منہ ڈالیں اور سوجائیں۔
حرا مانی نے کہا کہ پی ایس ایل کے آگے کے گانے بھی آپ ہی نے گانے ہیں، یہ آپ کی بہت بڑی مداح حرا مانی کی خواہش اور فرمائش ہے، ہمیں آپ پر فخر ہے۔