(ویب ڈیسک)پی ٹی آئی کے سابق چیئرمین اور سابق وزیر اعظم عمران خان کی توشہ خانہ کیس میں نااہلی کیخلاف درخواست سماعت کیلئے مقرر کر دی گئی۔
لاہور ہائیکورٹ کا لارجر بینچ درخواستوں پر کل سماعت کرے گا،لاہور ہائیکورٹ میں پی ٹی آئی انٹرا پارٹی الیکشن دوبارہ کرانے کے حکم کیخلاف بھی درخواست پر سماعت ہوگی۔
جسٹس شاہد بلال حسن کی سربراہی میں پانچ رکنی لارجر بینچ کل درخواستوں پر سماعت کرے گا جبکہ بینچ کے دیگر ارکان میں جسٹس شمس محمود ،جسٹس شاہد کریم ، جسٹس شہرام سرور چوہدری اور جسٹس جواد حسن شامل ہیں۔