(اسرارخان)راوی روڈ کے علاقہ میں خاتون کو ہراساں کرنے کا واقعہ، پولیس نے بروقت کارروائی کرتے ہوئے ملزم کو گرفتار کر لیا، سٹی فورٹی ٹو نے واردات کی سی سی ٹی وی حاصل کر لی ۔
 پولیس کے مطابق واقعہ میں ملوث ملزم شان کو سی سی ٹی وی کی مدد سے گرفتار کیا گیا۔ سی سی ٹی وی میں متاثرہ خاتون اپنے بچوں کے ساتھ گلی سے گزرتے ہوئے دکھائی دیتی ہے، جسے موٹر سائیکل سوار ملزم ہراساں کرنے کے بعد فرار ہو جاتا ہے۔ پولیس کا کہنا ہے کہ گرفتار ملزم کے خلاف خاتون کے شوہر کی درخواست پر مقدمہ درج کر لیا گیا ہے ۔