(ویب ڈیسک) کترینہ کیف اور وکی کوشل کی شادی کے بارے میں بے حد رازداری برتی گئی تھی ،شادی میں ممبئی کی فلم انڈسٹری سمیت نامور کاروباری اور سیاسی شخصیات اس میں شریک ہوئیں،شادی میں شریک ہونے والے مہمانوں پر بہت سی شرائط بھی عائد کی گئیں،میڈیا کو بھی تقریب سے دور رکھنے کی حتی الامکان کوشش کی گئی تاہم اب شادی کے بعد پہلی بار خوبرو ادکارہ کترینہ اور ان کے شوہر کی تصاویر منظر عام پر آئی ہیں۔
کتر ینہ کیف اور وکی کوشل حال ہی میں شادی کے بندھن میں بندھے اور شوہر بیوی بن گئے ہیں، جب سے ان کی شادی کی پہلی ویڈیو اور تصاویر سوشل میڈیا پر آئی ہیں۔ اس کے بعد سے ان کے مداح ان کی تصاویر دیکھنے کے لیے ہر لمحہ ان کے سوشل میڈیا اکاؤنٹس کو سرچ کر رہے ہیں۔ تصاویر میں ان دونوں کی محبت کو دیکھ کر ان سے نظریں ہٹانا مشکل ہے۔ ہر گزرتے دن کے ساتھ، کترینہ اور وکی نے اپنی شادی سے جڑی کوئی نہ کوئی تصویر شیئر کر رہےہیں اب انہوں نے پری ویڈنگ فوٹو شوٹ بھی شیئر کیا۔ماتھے پر سندور، گلے میں منگل سوتراور ہاتھوں میں سہاگ کا چوڑا پہنے اداکارہ کترینہ کیف کو اپنے شوہر وکی کوشل کے ساتھ نظر آ رہی ہیں۔
ویڈیو میں وکی کوشل نے اپنی اہلیہ کا ہاتھ پکڑا ہوا ہے جبکہ وہ محبت سے اپنی بیگم کی جانب سے دیکھ کر اپنے مداحوں کو ہاتھ بھی ہلاتے ہیں،ویڈیو میں دیکھا جا سکتا ہے کہ کترینہ اور کوشل کے چاہنے والے بڑی تعداد میں دونوں کو دیکھنے کے لئے موجود ہیں۔خیال رہے کہ کچھ دیر قبل اداکارہ نے اپنی اور وکی کی قربتوں کی کچھ تصاویر سوشل میڈیا پر شیئر کی تھیں جسے مداحوں کی جانب سے بہت پسند کیا گیا۔