(مانیٹرنگ ڈیسک) سیلفی دور حاضر کے نوجوانوں کا پسندیدہ ترین مشغلہ ہے، جو اب ہر عمر کے افراد کی پسند بن چکا ہے، تفریحی مقامات ہوں یا بازار، عوامی ونجی تقریبات ہوں یا تعلیمی ادارے، سبھی جگہوں پر لوگ سیلفی لیتے دکھائی دیتے ہیں۔
سیلفی کا شوق شدت اختیار کر جائے تو نقصان اور شرمندگی کا باعث بھی بن جاتا ہے، سیلفی لیتےہوئے افراد کیساتھ پیش آنے والے حادثات کی بے شمار ویڈیو سوشل میڈیا پر پڑی ہیں ایسی ہی ایک اور ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ نیلے رنگ کا مغربی لباس پہنے خاتون خوشگوار موڈ میں اچھلتے کودتے سیلفی بنانے کی کوشش کررہی اور ذرا سی لاپرواہی سے پاس ہی موجود گندے پانی میں جاگرتی ہے۔
خاتون کی وائرل ویڈیو پر سوشل میڈیا صارفین کی جانب سے بھی دلچسپ تبصرے کیے جا رہے ہیں۔اس ویڈیو کو انسٹاگرام پر ’ہیفل 5‘ نامی صارف نے ایک دن میں شیئر کیا اور اسے اب تک ہزاروں افراد دیکھ چکے ہیں۔