ویب ڈیسک: پاکستانی اداکارہ یشما گل ان دنو ں ترکی میں موجود ہیں اور سوشل میڈیا پر بھی کافی متحرک ہیں،ا داکارہ نے اپنی نئی ویڈیو شیئر کی جس پر سوشل میڈیا صارفین غصے سے لال پیلے ہوگئے اور یشما گِل کی ویڈیو پر خوب تنقید کی۔
تفصیلات کےمطابق پاکستانی ڈرامہ انڈسٹری کی معروف اداکارہ یشما گل ان دنوں ترکی گھومنے گئی ہوئی ہیں جہاں وہ فنونِ لطیفہ کی اعلیٰ مثال پیش کرتے بازاروں اور دیگر مقامات کی سیر کرتی نظر آرہی ہیں۔
یشما گل نے فوٹو اینڈ ویڈیو شیئرنگ ایپ انسٹاگرام پر ایک ویڈیو جاری کی جس میں انہیں ترکی کی ایک ایسی گلی سے گزرتے دیکھا جاسکتا ہے جہاں مختلف دکانیں ہیں اور وہ اس گلی میں چلتے ہوئے دکانوں پر نظریں بھی دوڑا رہی ہیں۔
یشما گل اس ویڈیو میں مغربی طرز کے سفید ٹاپ کے ساتھ بیگی پینٹس پہنی نظر آئیں جس پر مداحوں نے انہیں تنقید کا نشانہ بنایا۔
ایک صارف نے لکھا کہ ’ تم سے بہتر کپڑے تو پاس سے گزرتی غیرمسلم نے پہنے تھے‘ جبکہ ایک اور صارف نے لکھا کہ ’ گورے کہتے ہونگے غریب لوگ ہیں یہ ‘۔
ایک سوشل میڈیا صارف نے لکھا کہ ’ یہ گالی کھانے والی حرکتیں جان کر کرتی ہوں نا؟ ‘ جبکہ ایک انسٹاگرام صارف نے لکھا کہ ’ یہ لوگ مسلمان ہوتے ہوئے کافر ہوگئے ہیں، بے حیائی عروج پر ہے‘۔