حسن علی : پاکستان پیپلز پارٹی وسطی پنجاب سیکرٹریٹ میں پرچم کشائی کی تقریب کا اہتمام کیا گیا جبکہ اس موقع پر پیپلز پارٹی پنجاب کی جانب سے شجر کاری مہم کا بھی آغاز کیا گیا۔
ماڈل ٹاؤن میں پاکستان پیپلز پارٹی کے رہنماؤں اور جیالوں نے جشن آزادی کی مناسبت سے پرچم کشائی کی۔ اس موقع پر ملک و قوم کی ترقی اور خوشحالی کیلئے خصوصی دعا بھی کی گئی۔ پیپلز پارٹی کی طرف سے شجر کاری مہم کا بھی افتتاح کر دیا گیا اور چودھری اسلم گل، حاجی عزیز الرحمن چن،رانا جواد اور میاں ایوب نے وسطی پنجاب سیکرٹریٹ کے لان میں پودے لگائے۔ تقریب میں رانا جواد ،میاں ایوب،احسن رضوی،حاجی عزیز الرحمن چن،رانا جمیل منج،امجد جٹ،شیخ عرفان،صداقت شیروانی،ذیشان شامی ،افراز نقوی، چودھری ریاض،افنان صادق لون،رائے احمد حسن جندیکا،ایڈون سہوترا،سبط الحسن،منصور کٹاریہ،عامر سہیل بٹ اور دیگر نے شرکت کی۔