شہزاداحمد: عارف والا کے گاؤں کی رہائشی کمسن گھریلوں ملازمہ لاہور کے علاقے میں مالکان کے بیہمانہ تشدد سے قتل مقتولہ کے ورثا 10 سالہ سونیا کے قتل پر غم سے نڈھال، غریب خاندان کا قاتلوں کو کیفر کردار تک پہچانے کا مطالبہ۔
تفصیلات کےمطابق عارف والا کے گاوں مگھر کی رہائشی کمسن گھریلو ملازمہ لاہور کے علاقے میں مالکان کے بیہمانہ تشدد سے قتل ہوگئی تھی، مقتولہ کے ورثا 10 سالہ سونیا کے بیہمانہ قتل پر شدید غم سے نڈھال ہیں۔
والدین کے مطابق 10 سالہ سونیا کو کام نا کرنے کے الزام میں میاں بیوی نے ڈنڈے مار کر قتل کیا، واقعے سے کئی روز پہلے وہ بیٹی سے بات کروانے کے لیے کہتے رہے لیکن بات نہیں کروائی گئی۔
لاہور میں رشتہ دار نے5 ماہ قبل سونیا کو 8 ہزار ماہانہ تنخواہ پر کام پر رکھوایا، سفاک میاں بیوی نے ڈنڈوں سے کمسن ملازمہ کے دانت، ایک بازو اور ٹانگ توڑی اور جاں بحق ہونے کے بعد گھر کے صحن میں چھوڑ کر فرار ہو گئے۔
ہنجر وال پولیس نے ملزمان میاں بیوی کو گرفتار کر کے مقدمہ درج کر رکھا، ورثا کا مطالبہ ہے بیٹی کے قاتلوں کو کیفر کردار تک پہنچایا جائے۔