ویب ڈیسک: اسلام آباد ہائی کورٹ نے الیکشن کمیشن آف پاکستان کو فارن فنڈنگ کیس کا فیصلہ 30 روز میں کرنے کا حکم دے دیا۔
اسلام آباد ہائیکورٹ کے جسٹس محسن اختر کیانی نے فارن فنڈنگ کیس سے متعلق محفوظ فیصلہ جاری کردیا ۔ عدالت نے اکبر ایس بابر کو فارن فنڈنگ کیس کی کارروائی سے الگ کرنے اور انہیں ریکارڈ دینے سے روکنے کی پی ٹی آئی کی درخواست بھی مسترد کردی ہے۔
اسلام آباد ہائی کورٹ نے محفوظ فیصلہ سناتے ہوئے الیکشن کمیشن کا فیصلہ برقرار رکھا ہے۔
واضح رہے کہ تحریک انصاف نے 25 جنوری اور 31 جنوری کو دائر درخواستیں مسترد کرنے کا الیکشن کمیشن کا فیصلہ چیلنج کیا تھا۔ جبکہ فارن فنڈنگ کیس نومبر 2014 سے الیکشن کمیشن میں زیر سماعت ہے۔