سٹی42:  وزیراعظم شہباز شریف کے معاون خصوصی برائے افغانستان آصف درانی نے عہدہ چھوڑ دیا۔

ذرائع کے مطابق آصف درانی نے مئی 2023 میں وزیراعظم کے معاون خصوصی برائے افغانستان کی پوسٹ پر کام شروع کیا تھا آج انہوں نے عہدہ چھوڑ دیا۔ 

اطلاعات کے مطابق آصف درانی کی مدت ملازمت منگل 10 ستمبر کو ختم ہو گئی تھی۔

تجربہ کار پاکستانی سفارت کار آصف درانی کے دور میں، پاکستان میں  دہشتگردی اور جاری سرحدی تنازعات کی وجہ سے پاکستان اور طالبان کے درمیان تعلقات میں اتار چڑھاؤ آیا۔

افغانستان اور پاکستان کے درمیان کشیدگی مزید بڑھ گئی ہے، دونوں فریق ایک دوسرے پر سرحد پار حملوں کے ذمہ دار عسکریت پسندوں کو پناہ دینے کا الزام لگا رہے ہیں، جس سے سفارتی کوششیں پیچیدہ ہو گئی ہیں۔

اس بڑھتی ہوئی دشمنی نے دوطرفہ تعلقات کو کشیدہ کر دیا ہے، جس سے دونوں ممالک کے لیے سلامتی کے معاملات پر تعاون کرنا مشکل ہوتا جا رہا ہے، جس سے علاقائی استحکام مزید خراب ہو سکتا ہے۔

آصف درانی کا عہدہ چھوڑنے کے بعد پاکستان کا افغانستان کیلئے خصوصی نمائندے کی اسامی خالی ہوگئی ہے۔