ویب ڈیسک : چیئرمین پی سی بی محسن نقوی کی جانب سے شاہین شاہ آفریدی اور بابراعظم کو ون ڈے فارمیٹ میں اپنے اپنے شعبے میں نمبر ون رینکنگ حاصل کرنے پر مبارک باد دی گئی ہے ۔

 محسن نقوی نے اپنے  پیغام یں کہا کہ بیٹنگ اور بولنگ میں پہلی پوزیشن حاصل کرنا پاکستان کی کامیابی ہے ۔

 آسٹریلیا کے خلاف ون ڈے سیریز میں بہترین باؤلنگ کرنے پر شاہین آفریدی آئی سی سی کے جاری کردہ نئی ون ڈے رینکنگ میں پہلے نمبر پر پہنچ گئے۔ نئی رینکنگ میں شاہین آفریدی 3 درجے ترقی کے بعد پہلی پوزیشن پر پہنچے ہیں۔ نئی رینکنگ میں افغان اسپنر راشد خان دوسرے اور جنوبی افریقا کے کیشو مہاراج 2 درجہ تنزلی کے بعد تیسرے نمبر پر موجود ہیں۔

دوسری جانب نئی بیٹرز رینکنگ میں پاکستان کے سابق کپتان بابر اعظم پہلی پوزیشن پر براجمان ہیں جبکہ روہت شرما دوسری، شمبن گل تیسری اور ویرات کوہلی چوتھی پوزیشن پر براجمان ہیں۔