ویب ڈیسک: پاکستان کرکٹ ٹیم کے کپتان محمد رضوان نے کہا ہے کہ فخر زمان، افتخار احمد، محمد عامر، شاداب خان بڑے کھلاڑی ہیں، ان کی کمی آسانی سے پوری نہیں ہو سکتی۔
تفصیلات کے مطابق برسبین میں میڈیا سے گفتگو کرتے ہوئےمحمد رضوان نے کہا کہ جب آپ انٹرنیشنل کرکٹ کھیلتے ہیں تو چیلنجز تو آتے ہیں، آسٹریلیا میں آسٹریلین کنڈیشن میں کھیلنا آسان نہیں ہوتا۔
انہوں نے کہا کہ پلیئنگ الیون پر بات ہوئی ہے، جو ٹیم کے لیے بہتر ہو گا وہ فیصلے کریں گے، میں ہمیشہ مشورے کے ساتھ کھیلتا ہوں۔
کپتان نے کہا کہ کوچ جیسن گلیسپی ہارڈ ورک کرتے ہیں، وہ ٹیم کو جوڑ کر رکھتے ہیں، آسٹریلیا میں ہمارا ہر فاسٹ بولر خوب انجوائے کرتا ہے،یہ بورڈز کے فیصلے ہیں کہ کیا کرنا ہے، کیا نہیں،چیمپئنز ٹرافی میں بھارتی ٹیم کو ویلکم کریں گے،امید ہے، بھارتی ٹیم پاکستان آئے گی,چیمپئنز ٹرافی سے متعلق فیصلہ بورڈ نے کرنا ہے۔